Ministri në detyrë i Mbrojtjes, Ejup Maqedonci ka takuar Komandantin e Komandës së Forcave të Përbashkëta Aleate në Napoli, Admiral George M. Wikoff, si dhe Komandantin e KFOR-it, Gjeneralmajor Özkan Ulutaş.
Në këtë takim ai ka thënë se kanë diskutuar për situatën e sigurisë dhe bashkëpunimin e FSK-së me KFOR-in.
Poashtu, Maqedonci ka folur për rritjen e kapaciteteve të FSK-së në funksion të sigurisë, por edhe anëtarësimit në NATO.
“Diskutuam për situatën e sigurisë në vend dhe rajon, zhvillimin e FSK-së dhe bashkëpunimin me KFOR-in. Theksova angazhimin për forcimin e kapaciteteve të FSK-së përmes edukimit të oficerëve sipas doktrinës së shteteve perëndimore si dhe modernizimit me sisteme të armatimit të prokuruara nga shtetet anëtare të NATO-s, në funksion të sigurisë së qytetarëve dhe aspiratës për anëtarësim në NATO”, ka shkruar ai.
Të tjera
Ky është personi që tentoi t’i vras avokatin shqiptar dhe dy serbët në Deçan
Incident në një kopsht në Pejë, edukatorja sulmohet me shufër metalike nga nxënësi
Stadiumi Nacional përfshihet në buxhetin 2026, ndahen 4 milionë euro