Lajme

“Maqedonci zhvillon takim me përfaqësuesen e kompanisë ‘Lockheed Martin’ në kuadër të Panairit AUSA 2025 në SHBA”

Posted on by botaelajmeve

Në kuadër të panairit “AUSA 2025”, ministri në detyrë i Mbrojtjes, Ejup Maqedonci u takua me përfaqësuesin e kompanisë “Lockheed Martin”.

Gjatë këtij takimi u diskutua rreth zhvillimeve bashkëkohore në fushën e aviacionit dhe sistemeve tjera ushtarake dhe rëndësisë strategjike të integrimit të këtyre teknologjive në kuadër të Forcës së Sigurisë së Kosovës.

Në këtë takim ishin prezent edhe zëvendëskomandanti i FSK-së, gjeneralmajor Enver Cikaqi dhe drejtori i Departamentit për Bashkëpunim Ndërkombëtar dhe Integrime Euro–Atlantike, kolonel Ahmet Ajeti.

Zgjerimi i bashkëpunimit në fushën e mbrojtjes, forcimi i kapaciteteve ajrore dhe aftësive të tjera të FSK-së, si dhe ndërtimi i partneriteteve të qëndrueshme me “Lockheed Martin” në të ardhmen, janë tema të tjera që janë përqendruar gjatë bisedimeve.