Martohen Adri dhe Iliriana Sadriu

Ish-banorët e Big Brother VIP Kosova 2, Adri Rogaqi dhe Iliriana Sadriu, i kanë dhënë fund beqarisë.

Çifti i famshëm i shoubizit kanë kurorëzuar dashurinë me martesë në një nga restorantet luksoze.

Të ftuar janë shumë figura të njohura përfshirë edhe yjet e këtij edicioni si: Kader Kicaj, Blero, Vesa Vllasaliu, Shqipe Hysenaj, Monika Salihu etj.

Ata me këtë rast realizuan edhe një fotosesion të mrekullueshëm nga fotografi Norik Uka.

Dyshja gjatë kohës së Big Brother u bënë shumë të dashur nga publiku, duke fituar kështu zemrat e të gjithëve.

Veç kësaj, ata këtë verë ishin shumë të pranishëm në dasma e ahengje të ndryshme.

Të njëjtit po vazhdojnë të jenë shumë të komentuar për çdo veprim nëpër media e shtypin rozë.