Të premten e 3 prillit kandidatët që kanë plotësuar kushtet e konkursit për anëtarë joprokuror të Këshillit Prokurorial të Kosovës, pritet t’i nënshtrohen inervistimit me gojë.
Kjo u bë e ditur nga Kuvendi i Kosovës, pas takimit që ka pasur Komisioni i Posaçëm për Administrimin e Procesit të Përzgjedhjes së Anëtarëve Joprokurorë të Këshillit Prokurorial të Kosovës, që drejtohet nga kryetarja e Kuvendit të Kosovës, Albulena Haxhiu.
Bëhet e ditur se në takimin e sotëm është bërë vlerësimi i aplikacioneve të kandidatëve për anëtarë Joprokurorë të KPK-së lidhur me përmbushjen e kushteve të parapara me ligj.
“Në bazë të planit të veprimit, Komisioni vendosi që intervistimi me gojë i kandidatëve që plotësojnë kushtet të bëhet të premten, më 3 prill 2026”, thotë Kuvendi i Kosovës.
Konkursi për zgjedhjen e një anëtari joprokuror të KPK-së ishte shpallur më 27 shkurt të këtij viti dhe kishte afat 20 ditor për aplikim.
Të tjera
Djersitja, deodorantët dhe antiperspirantët
Kosova ka lojtarë të rrezikshëm, di disa fjalë shqip
Çfarë do të jetë rezultati nesër unë mburrem me këta futbollistë që i kam