Lëvizja Vetëvendosje ka zyrtarizuar kandidaturën e Ali Dulës për kryetar të Rahovecit. Kështu është bërë e ditur nga faqja zyrtare e Vetëvendosjes. Ndërsa kryetari i LV-së, Albin Kurti ka thënë se “Me profesor Ali Dulën synojmë fitoren në Rahovec në zgjedhjet e 12 tetorit. Na priftë e mbara!”
Njoftimi i plotë:
Në Rahovec do të fitojmë sepse komuna duhet t’u kthehet qytetarëve përmes bashkëqeverisjes. Ky është modeli i Lëvizjes VETËVENDOSJE! dhe i kandidatit tonë për kryetar, Ali Dulës.
Në takimin e mbajtur sot me Grupin Punues të Qendrës së Lëvizjes VETËVENDOSJE! në Rahovec, me pjesëmarrjen e Kryeministrit Albin Kurti, sekretarit Rama dhe drejtuesëve të strukturës në Pika, u zyrtarizua dhe u mbështet kandidatura e Ali Dulës për kryetar komune.
Me qeverisjen e Lëvizjes VETËVENDOSJE! në nivel qendror, dhe me Ali Dulën në krye të komunës, Rahoveci do të ketë një bashkëpunim efektiv, që sjell investime, progres dhe zhvillim.
Të tjera
Njihuni me disa përfitime shëndetësore për trupin tuaj kur agjëroni
Sa orë gjumë i duhen njeriut për jetë të shëndetshme
Misri i zier, ilaç dhe vakt i shëndetshëm