Menaxhmenti fton fansat të bëhen bashkë për të mbështetur Gjestin në finale – nisja për në Tiranë realizohet nga Prishtina

Kanë mbetur vetëm edhe pak ditë deri në finalen e madhe të Big Brother VIP Albania 4.

Në finale janë gjithsej katër banorë: Gjesti, Rozana Radi, Egli Tako dhe Laert Vasili.

Në Instagramin e këngëtarit pejan kanë bërë thirrje që të bëhen bashkë për të mbështetur për fitore.

 

View this post on Instagram

 

A post shared by GjESTI (@gjestt)

Ata bëjnë me dije se të gjithë ata që duan të marrin pjesë në finalen e BBVA 4 të mblidhen në Prishtinë, e të nisen së bashku për në Tiranë.

Në njoftim kanë lënë të gjitha kontaktet për të gjithë ata që dëshirojnë të jenë pjesë e kësaj nisme.

Postimi i plotë (pa ndërhyrje):

“Thirrje për të gjithë fansat e Gjestit

Finalja e madhe e Big Brother Albania po afron dhe ne duam që ju të jeni pjesë e saj, live

Si menaxhment i Gjestit, jemi jashtëzakonisht mirënjohës për gjithë mbështetjen që i keni dhënë. Tani ka ardhur momenti që ta festojmë së bashku dhe duam të sigurohemi që çdo fans i vërtetë ta përjetojë këtë moment nga afër!

Nëse dëshiron të jesh me ne në finale dhe të mbështesësh Gjestin nga tribuna, ne do kujdesemi për gjithçka – biletat dhe transportin i mbulojmë ne.

Ta mbushim sallën me energji, dashni dhe zëra që kanë qenë pranë Gjestit që nga dita e parë.

Të krijojmë kujtime. Të bëjmë zhurmë. Dhe mbi të gjitha ta çojmë kurorën në shtëpi”.