Lajme

“Mesazh i fortë nga Hamza: Diaspora do ta vulosë rezultatin më 28 dhjetor!”

Posted on by botaelajmeve

Kryetari i ri i PDK-së, Bedri Hamza, ka folur pas mbledhjes së Kryesisë së partisë, ku u ndal edhe te zgjedhjet e 28 dhjetorit.

Ai tha se data e zgjedhjeve përkon me periudhën kur diaspora kthehet masivisht në Kosovë, gjë që e sheh si një zhvillim pozitiv.

“Është shumë e rëndësishme që më 28 dhjetor do të kemi një numër të madh të mërgatës prezente në Kosovë. Ata janë kontribuues të mëdhenj, rreth 13% e bruto produktit vendor vjen çdo vit nga remitencat e tyre. Shpresoj që ta shfrytëzojnë të drejtën e tyre demokratike për të votuar”, tha Hamza.

Ai shtoi se pret zgjedhje të organizuara mirë dhe me standarde të larta.