Mesazhi i Avdullahut para ndeshjes: Zvicrës do t’i dëshmojmë forcën, ja çfarë thotë për Xhakën

Mesfushori i kombëtares së Kosovës, Leon Avdullahu ka folur pas arritjes historike së play-offit të Botërorit të vitit 2026.

Ai ka thënë se kjo është një arritje e madhe, teksa ka një mesazh per Zvicrën.

“Një arritje shumë e madhe, historike, hala s’kena arritë ku dojna me arritë. Kena forcë me arritë në Botëror, është e vështirë. Kena me ia tregua na krejt Kosova Zvicrës se sa jena të fortë”, tha ai fillimisht.

Tutje, ai iu kundërpërgjigj deklaratës së Granit Xhakës, i cili tha se Avdullahu e Hajdari nuk do të kishin vend te Zvicra.

“I uroj vetëm sukese atij, s’kam kurrëfarë deklarate ndaj tij”, përfundoi Avdullahu.

Avdullahu e la Zvicrën për Kosovën në muajin shtator.