Mesazhi i qartë i Alonsos për yjet e Realit, duhet të bindin trajnerin për të pasur një shans

Lojtarët e ekipit të parë të Realit të Madridit e dinë tashmë rolin që do të kenë këtë sezon, të paktën fillimisht, nën drejtimin e Ksabi Alonsos.

Trajneri ka qenë i qartë me të gjithë ata, jo vetëm në formacionet që bëri në Kupën e Botës për Klube, por edhe në punën e tij të përditshme dhe në mesazhet që u ka përcjellë atyre. Gjatë këtyre ditëve të pushimeve, disa po reflektojnë mbi rolin e tyre brenda grupit apo nëse është më mirë të kërkojnë një destinacion të ri, por e bëjnë këtë duke e ditur drejtpërdrejt se çfarë i pret. Trajneri e di që, në fund të fundit, kontratat mbizotërojnë në futbollin e sotëm dhe për këtë arsye ai nuk ia ka mbyllur derën askujt, por gjithashtu nuk ka dashur të mashtrojë asnjë lojtar. Klubi ka fjalën e fundit në të gjitha këto situata, siç është demonstruar vitet e fundit, por ai donte t’ua bënte të qartë personanalisht lojtarëve se çfarë mund të ndodhë me ta kur të nisë sezoni i ri. Këtë herë, gjëja e parë në horizont janë ndeshjet me pikët në lojë, pasi vera atipike e sjellë nga Kupa e Botës për Klube do të lërë pak hapësirë për të demonstruar se çfarë mund të kontribuojë secili dhe duke vepruar kështu, për ta ndryshuar situatën.

Ksabi Alonso i ka bërë të qarta tashmë qëllimet e tij pas asaj çfarë ka parë nga skuadra e tij gjatë turneut në Shtetet e Bashkuara të Amerikës. Kjo përfshin identifikimin e atyre që do ta kenë të vështirë të luajnë (Rodrigo për shembull), atyre që do të vazhdojnë të luajnë në rol zëvendësuesi (Brahim Diaz), atyre që duhet të kompensojnë humbjen e vendit në formacion (rasti i Asensios), atyre që do të duhet të presin që të nisë sezoni dhe të shfaqen rrethana të veçanta për të pasur momentin e tyre (Lunin), dhe atyre që e dinë se pozicioni i tyre mund të jetë në rrezik për shkak të mbivendosjes në pozicione dhe mbërritjes së një transferimi më të vlefshëm (Mendi ose Fran Garsia).

MUNGESA E OFERTAVE – Të gjithë e kanë vënë re dhe e dinë tashmë se çfarë i pret nga 4 gushti, kur skuadra të kthehet në fushë për të nisur përgatitjet për sezonin e ri. Deri më tani, nuk është shfaqur asnjë ofertë për ndonjë lojtar, përveç atyre që stërviten në Valdebebas, që vazhdon të jetë një fabrikë për prodhimin e lojtarëve të elitës dhe gjenerimin e parave për klubin, më shumë sesa mbulimi i kostos së akademisë së të rinjve. I fundit, Jakobo Ramon. Ksabi Alonso e di tashmë se për të mbuluar nevojat e dukshme që Kupa e Botës i ka bërë të qarta (organizatori dhe qendra), largimi i lojtarëve është thelbësor, një mundësi që klubi po e trajton si të mundshme, por që në asnjë rast kjo nuk do të çojë në “dhënien” e lojtarëve, pavarësisht nëse është lojtari që dëshiron ndryshimin apo nëse është klubi që po vë bast për largimin.