Ish-ministrja e Drejtësisë, Albulena Haxhiu, ka përkujtuar 45 civilët shqiptarë të vrarë në Masakrën e Reçakut, në 27-vjetorin e kësaj ngjarjeje, duke e cilësuar atë si një pikë kthese historike për Kosovën, përcjell KosovaPost.
Në një postim në Facebook, Haxhiu theksoi se Masakra e Reçakut tronditi opinionin ndërkombëtar dhe ndikoi drejtpërdrejt në ndërhyrjen ndërkombëtare në Kosovë.
Ajo vlerësoi Reçakun si dëshmi të vuajtjes dhe sakrificës së popullit shqiptar, duke nënvizuar se e vërteta historike për këtë krim nuk duhet harruar kurrë.
“Me dhimbje dhe respekt kujtojmë 45 civilët shqiptarë të vrarë mizorisht në Reçak më 15 janar 1999. Masakra e Reçakut tronditi botën dhe u bë një pikë kthese për ndërhyrjen ndërkombëtare në Kosovë. Reçaku është dëshmi e vuajtjes, sakrificës dhe së vërtetës historike që nuk duhet harruar kurrë.
Lavdi martirëve të Reçakut. Kujtimi për ta qoftë i përjetshëm!”, ka shkruar Haxhiu.
Të tjera
Karakteristikat trupore të cilat gjenden vetëm te 5 për qind e njerëzve
Haziri thotë se përvoja nga e kaluara me VV-në dhe PDK-në nuk ua lejoi një bashkëpunim të ri
Të rinjtë e Kosovës duhet të informohen vazhdimisht për historinë e vitit 1999