Karlo Ançeloti nuk ishte i ashpër me lojtarët e tij pas humbjes 3:2 ndaj japonezëve. Këto ishin mendimet e tij. “Ne thamë se këto miqësore dhe ato të nëntorit janë sfiduese.
Ne do të vazhdojmë të testojmë. Kjo nuk e ndryshon qasjen tonë. Sot ishte një mësim i mirë dhe ka gjëra që duhet të mësojmë nga loja, veçanërisht në pjesën e dytë. Mendoj se duhet të jemi të ekuilibruar në atë që bëjmë. Ekipi luajti shumë mirë kundër Koresë, luajti mirë në pjesën e parë kundër Japonisë dhe shumë dobët në të dytën sot.
Është një proces dhe ne kemi nevojë për ekuilibër. Duhet të mësojmë nga gabimet tona në pjesën e dytë sot. Sipas italianit gabimi më i madh i ekipit ishte mosreagimi pas golit të parë.”Zemërimi i trajnerit në këtë aspekt ishte i dukshëm. “Nuk është e drejtë. Kur skuadra humbet, ne zemërohemi, është normale. Të gjithë janë të zemëruar.
Mua nuk më pëlqen të humbas, dhe as lojtarëve. Duhet të mësojmë nga kjo humbje, si gjithmonë në futboll”. Së fundmi, ai analizoi shkaqet e humbjes dhe gabimet individuale. “Gabimet individuale nuk ndikojnë në paraqitjen e radhës të një lojtari në ekip. Ajo që duhet të vlerësojmë është reagimi i ekipit pas gabimit të parë, i cili nuk ishte i mirë sepse humbëm pak ekuilibrin në fushë. Është një mësim i mirë për të ardhmen.”
Të tjera
Meshkujt që nuk mund t’i bëjnë 10 pompa janë më të rrezikuar nga sëmundjet e zemrës
Krimi dhe politika: Zbulime nga vëllai i Dajakut për strukturat e financuara nga fondi i 3% të Bukoshit
Ushqimet që asesi nuk duhet t’i lani para gatimit