Ekonomi

Murati nënshkruan një udhëzim administrativ për arkat fiskale

Posted on by botaelajmeve

Ministri në “dorëheqje” i Financave, Punës dhe Transfereve, Hekuran Murati, ka njoftuar pas seancës konstituive se ka nënshkruar Udhëzimin e ri administrativ për arkat fiskale.

Hekuran Murati ka shkruar në Facebook, se në kuadër të zbatimit të Ligjit për Administrimin e Procedurave Tatimore, “kam nënshkruar Udhëzimin e ri Administrativ për arkat fiskale”.

Ai ka thënë se ky Udhëzim Administrativ (UA) “është hartuar nga grupi punues me profesionalizëm dhe vjen pas një pune enorme për zhvillimin e sistemit të ri softwerik i cili do të reformojë komplet sistemin e arkave fiskale, duke e bërë tranzicionin në sistem digjital”.
“Udhëzimi parasheh periudhën tranzitore të kalimit nga sistemi ekzistues në sistemin e ri – pra të gjitha bizneset që tashmë kanë sisteme të arkave fiskale, do të kenë kohë të mjaftueshme për të kaluar në sistemin e ri – për këtë do të njoftohen me kohë. Ndërsa për bizneset e reja apo që ende nuk kane sistem të fiskalizimit, do të ketë periudhë kalimtare prej 60 ditësh derisa të instalojnë sistemin e ri, por që duhet të sigurohen se ndjekin udhëzimet për deklarim të shitjeve ashtu siç e parasheh UA”, shkruan ai.

Murati njofton se ATK tashmë ka mbajtur takime njoftuese me disa ofrues të tillë, dhe komunikimi me ta do të vazhdojë.

Sot, opozita vuri në dyshim dorëheqjen e Kurtit nga posti i kryeministrit dhe anëtarëve të tjerë të Qeverisë që janë zgjedhur deputetë në zgjedhjet e 9 shkurtit.