Në Gjakovë e kemi bazën e Forcës së Sigurisë së Kosovës dhe do ta ndërtojmë edhe fabrikën e municioneve, të parën në Kosovën tonë të lirë e të pavarur

Tubimi i Lëvizjes Vetëvendosje në Gjakovë vërtetoi se përkrahja për një qeverisje të re të udhëhequr nga Albin Kurti është rritur edhe më shumë, qytetarë të rinj, të cilët takohen e bashkohen në tubim, janë dëshmia për këtë.

Kryetari i Qendrës së Lëvizjes në Gjakovë, Agon Batusha, në fjalën hapëse u shpreh se populli do t’i ndëshkojë përsëri partitë tjera, duke bërë thirrje që të mobilizohen të gjithë për të votuar numrin 116 të Lëvizjes VETËVENDOSJE!.

Kryetarja e partisë Alternativa, Mimoza Kusari në fjalën e saj tha se qeveria Kurti 3 është alternativa e vetme qytetare për siguri dhe begati në Republikën e Kosovës. Ajo bëri u bëri thirrje të gjithë qytetarëve të Gjakovës dhe mbarë Kosovës që sa më shumë të angazhohen për fitore edhe më bindëse se në vitin e fundit, në mënyrë që formimi i qeverisë dhe kushtet në dëm të Republikës të mos jenë më problem.

Kryeministri Albin Kurti në fjalën e tij theksoi se vizioni ynë është punë për qytetarin dhe mbrojtje për familjen.