Në Qendrën e Njësive të Specializuara në Vrellë të mërkurën u mbajt ceremonia e dorëzim-pranimit të poligonit të gjuajtjes dhe poligonit me pengesa, rishtazi të rinovuar nga ushtarët profesionalë të KFOR-it, përfshirë ushtarët amerikanë.
Në njoftimin e policisë thuhet se në këtë ceremoni morën pjesë përfaqësues të lartë të Policisë së Kosovës dhe përfaqësues të lartë të KFOR-it.
“Me nga një fjalë rasti të pranishmëve iu drejtuan drejtori i PK-së, kolonel Gazmend Hoxha dhe komandanti i KFOR-it amerikan kolonel Peter Helzer, të cilët theksuan se bashkëpunimi dhe koordinimi i aktiviteteve ndërvepruese si dhe përkrahja dhe mbështetja në fusha të ndryshme teknologjike e logjistike, siç janë edhe poligoni i gjuajtjes dhe rinovimi i poligonit me pengesa, ndihmojnë në realizimin e detyrave, trajnimeve dhe aktiviteteve policore, në interes të ruajtjes së rendit e sigurisë publike si dhe ofrimit të sigurisë ndaj të gjithë qytetarëve pa dallim”, thuhet në njoftimin e policisë.
Të tjera
Përmes Viberit po kërkohen para në emër të Policisë së Kosovës – një qytetar dërgon 1000 euro
Kandidimi im është vlerësuar si garancë e fitores në Mitrovicë
Aktivisti konservator Charlie Kirk vr*itet në Utah, Trump konfirmon lajmin