Nga data 4 deri më 6 shtator do të mbahet gara ndërkombëtare e çiklizmit “Tour of Kosovo 2025”, e organizuar nga Federata e Çiklizmit e Kosovës, me mbështetjen e Ministrisë së Mjedisit, Planifikimit Hapësinor dhe Infrastrukturës.
Për shkak të garave, Policia e Kosovës ka bërë të ditur se në disa segmente rrugore do të ketë ndërprerje të trafikut dhe ngadalësime të qarkullimit sipas etapave:
Etapa I (04.09.2025, ora 12:00–15:00): Autostrada Veternik–Bresje–Komoran–Gjergjicë–Malishevë–Duhël–Suharekë–Prizren–Vërmicë (kthimi), me përfundim në dalje të autostradës në Malishevë.
Etapa II (05.09.2025, ora 11:00–15:00): Vërmicë–Prizren–Suharekë–Malishevë–Komoran–Fushë Kosovë–Lipjan–Kaçanik–Hani i Elezit (përfundimi).
Etapa III (06.09.2025, ora 11:00–15:00): Hani i Elezit–Kaçanik–Lipjan–Komoran–Malishevë–Suharekë–Prizren–Vërmicë (kthimi), me përfundim në Vlashnje, ku do të mbahet ceremonia e mbylljes.
Autoritetet njoftojnë se gjatë garave do të ketë ndërprerje të kohëpaskohshme të qarkullimit dhe ngadalësim të trafikut, duke apeluar tek shoferët për mirëkuptim dhe shfrytëzim të rrugëve alternative.
Të tjera
Mbahet konferenca ndërkombëtare “KosovaPAR 2025”, diskutohet për ndikimin e inteligjencës artificiale në administratë
UP-ja shpall afatin plotësues për regjistrimin e studentëve
BE-ja nuk po arrin ta përdorë fuqinë gjeopolitike në Ga*za për shkak të ndarjeve midis anëtarëve