Nesër nis funksionimi i transportit publik në Prishtinë

Nga nesër, Prishtinës i rikthehet sërish transporti publik, transmeton KosovaPost.

Kështu bëri të ditur Trafiku Urban përmes një njoftimi.

“Pas fillimit të alokimit të mjeteve nga Ministria e Financave dhe pagesës së faturave nga Komuna e Prishtinës, N.P.K. “Trafiku Urban” SHA ju njofton se nga nesër, më datë 03 dhjetor 2025, do të rifillojë ofrimin e shërbimit të transportit publik.”, thuhet në njoftim.

“Gjatë ditëve të fundit, ndërprerja e transportit ka qenë e pashmangshme për shkak të pamundësisë financiare të krijuar nga mospagesa e detyrimeve të Komunës ndaj ndërmarrjes.”, thuhet tutje.

Mes të tjerash, Trafiku Urban shpreh keqardhje për  vështirësitë me të cilat qytetarët janë detyruar të përballen gjatë këtyre ditëve pa shërbimin e transportit publik teksa i kanë falënderuar për mirëkuptimin e treguar.