Qendra Kombëtare për Menaxhim Kufitar (QKMK) ka njoftuar se ka pranuar informata nga autoritetet kufitare të Serbisë se nga nesër, më 26 janar 2026, me fillim nga ora 12:00, do të ketë ndërprerje të qarkullimit të kamionëve në të gjitha pikat kufitare me Serbinë.
Sipas njoftimit, ndërprerja vjen si pasojë e protestës së paralajmëruar nga Shoqata e Transportuesve në Serbi, e cila është organizuar kundër masave të ndërmarra nga Bashkimi Evropian për shoferët e kamionëve të rajonit të Ballkanit Perëndimor.
Protesta do të mbahet në territorin e Serbisë dhe pritet të zgjasë deri në shtatë ditë.
QKMK paralajmëron se këto protesta do të ndikojnë drejtpërdrejt në qarkullimin e mjeteve transportuese dhe mallrave, si dhe mund të shkaktojnë mbingarkesë të trafikut në zonat kufitare të Republikës së Kosovës me vendet e rajonit që janë të përfshira në protesta.
“Shoqatat e transportit të mallrave apo shoferët e kamionëve mund të mbajnë kontakte me homologët apo kolegët e tyre në rajon për informata shtesë”, thuhet në njoftimin e Qendrës Kombëtare për Menaxhim Kufitar.
Të tjera
Si të mbani nën kontroll tensionin e lartë të gjakut
Pesë ushqime të lehta që mund t’i konsumoni para gjumit, ja cilat janë ato
Franca do të përshpejtojë ndalimin e rrjeteve sociale për fëmijët nën 15 vjeç