Nis numërimi i votave të kandidatëve për deputetë

Në qendrat komunale të numërimit (QKN), ka filluar procesi i numërimit të votave të kandidatëve për deputetë.

Gjithashtu ka nisur edhe verifikimi i rezultateve të subjekteve politike nga formularët e plotësuar në vendvotime pas numërimit të fletëvotimeve.

Kështu ka bërë të ditur KQZ-ja në konferencë për media ku tha se ky proces do të bëhet duke ofruar transparencë të plotë dhe nën monitorimin e vëzhguesve.

Sipas rezultateve preliminare të KQZ-së, kur janë procesuar votat nga 2548 vendvotime nga 2557 sa kanë qenë gjithsej, ose nga 99,65% të vendvotimeve të procesuara, LVV-ja shënoi rritjen më ta madhe, duke fituar rreth 431 mijë e 442 vota. Rritje krahasuar me zgjedhjet e 9 shkurtit të këtij viti, kur VV-ja fitoi 396 mijë e 787 vota apo 42,30 për qind.