Një person 63-vjeçar është gjetur pa shenja jete në një vilë private në fshatin Jezerc të Ferizajt, mëngjesin e së enjtes. Lajmin e ka konfirmuar për RTK-në zëdhënësi i Policisë për rajonin e Ferizajt, Kanun Veseli.
“Sot më 31.07.2025, rreth orës 12:30, Policia është njoftuar se në një vilë private në fshatin Jezerc ndodhej një person pa shenja jete. Viktima, mashkull 63-vjeçar, është gjetur në garazh pranë veturës së tij, rreth orës 11:00,” deklaroi Veseli.
Në vendin e ngjarjes kanë dalë njësiti i hetimeve rajonale dhe ekipi i forenzikës, ndërsa vdekjen e ka konstatuar ekipi mjekësor i Qendrës Emergjente në Ferizaj.
Sipas Policisë, Prokurori i Shtetit është njoftuar për rastin dhe ka udhëzuar ndërmarrjen e të gjitha veprimeve të nevojshme hetimore. Trupi i pajetë është dërguar për obduksion në Institutin e Mjekësisë Ligjore në Prishtinë.
“Rasti po hetohet nga Sektori Rajonal i Hetimeve në Ferizaj dhe për çdo informacion shtesë do të jeni të njoftuar me raport të radhës,” theksoi zëdhënësi Veseli.
Të tjera
Hetuesja policore në Suedi mori pushim mjekësor, por u zbulua se ishte me pushime në Kosovë
VV-ja merr 85.21% të votave të diasporës të numëruara deri tash, PDK-ja 6.09% dhe LDK-ja 5.69%
Pl@gosje me armë zj@rri në Pejë, i dyshuari vetëdorëzohet në polici