Gjykata Supreme e Kosovës ka refuzuar si të pabazuar ankesën e kandidatit të PDK-së për kryetar të Komunës së Deçanit, Korab Mushkolaj, e cila ishte paraqitur kundër vendimit të Panelit Zgjedhor për Ankesa dhe Parashtresa (PZAP).
Vendimi i Supremes vjen pas ankesës së parashtruar ndaj vendimit të PZAP-së, i cili kishte refuzuar certifikimin e kandidaturës së Mushkolajt për zgjedhjet lokale që do të mbahen më 12 tetor 2025.
Sipas aktgjykimit të publikuar nga Gjykata Supreme, kërkesa e Mushkolajt u refuzua si e pabazuar, me arsyetimin se ai mban ende një pozitë të ndaluar për kandidim.
Mushkolaj sipas dokumenteve zyrtare është ende i emëruar në pozitën Zyrtar i Lartë për Politikë Konsullore në Ministrinë e Punëve të Jashtme dhe Diasporës, pozitë e cila hyn në kategorinë e ndalimeve për certifikim për shkak të shërbimit aktiv civil.
Paneli Zgjedhor për Ankesa dhe Parashtresa kishte konstatuar se ai nuk kishte paraqitur dëshmi për përfundimin e marrëdhënies së punës, ndërsa më 21 gusht 2025 KQZ kishte vendosur për moscertifikimin e kandidaturës së tij.
Vendimi u mbështet nga PZAP më 23 gusht dhe tashmë është konfirmuar edhe nga Gjykata Supreme.
Të tjera
Qasja në informacione konfidenciale është strikt e kufizuar
Putini “duhet të ulet në tryezën e negociatave”, thotë shefja e BE-së pas telefonatës së Trump
Ga*za tregoi domosdoshmërinë e një Evropë më të fortë