Shefi i Zyrës së Bashkimit Evropian në Kosovë, Aivo Orav, pritet që së shpejti të marrë një detyrë të re diplomatike në Turqi. Lajmi është bërë i ditur nga Matti Maasikas, Sekretar i Përgjithshëm në detyrë në Shërbimi Evropian për Veprime të Jashtme (EEAS), i cili e ka falënderuar Oravin për kontributin e tij gjatë shërbimit në Kosovë.
Përmes një postimi në rrjetin social X (Twitter), Maasikas vlerësoi punën e bërë nga Orav dhe i uroi sukses në detyrën e re diplomatike në Turqi.
“Falënderoj Aivo Orav për punën e shkëlqyer në Kosovë. Kontributi yt ka qenë shumë i rëndësishëm dhe do të mungosh. Të uroj suksese në detyrën e re në Turqi dhe pres të vazhdojmë bashkëpunimin tonë siç kemi bërë ndër vite në role të ndryshme”, ka shkruar Maasikas.
Aivo Orav mori detyrën si shef i Zyrës së BE-së në Kosovë më 2 shtator 2024, duke pasuar diplomatin çek Tomáš Szunyog. Gjatë mandatit të tij, ai ka qenë i angazhuar në mbështetjen e proceseve demokratike në Kosovë dhe në forcimin e bashkëpunimit rajonal në kuadër të integrimit evropian.
Të tjera
Muslimanët përballen me diskriminim, kërkohen veprime kundër islamofobisë
Si ta përdorni kafenë për trajtimet e flokëve dhe lëkurës?
Ademi takohet me Konjufcën, flasin për ndeshjen Sllovaki-Kosovë