“Orav takon ambasadorin e ri gjerman Rudolph — diskutojnë për zhvillimet politike dhe rrugën drejt BE-së”

Shefi i Zyrës së Bashkimit Evropian në Kosovë, Aivo Orav ka diskutuar për zhvillimet aktuale politike në Kosovë në një takim që pati me ambasadorin e sapoemëruar gjerman, Rainer Rudolph.

Ai në një postim në llogarinë e tij në X tha se me diplomatin gjerman folën edhe për rrugën e Kosovës drejt BE-së.

“Diskutuam zhvillimet aktuale politike dhe rëndësinë e mbështetjes së vazhdueshme të BE-së për progresin e Kosovës në rrugën e saj të integrimit në BE, në dobi të të gjithë qytetarëve të saj”, shkroi Orav.