Presidentja Vjosa Osmani ka pritur sot në takim ambasadorin e Republikës Federale të Gjermanisë në Kosovë, Jörn Rohde transmeton KosovaPost.
Në fokus të takimit, sipas njoftimit nga Presidenca, ishin zhvillimet e fundit politike në vend, me theks të veçantë te procesi i konstituimit të institucioneve të reja.
“Me këtë rast, u diskutua edhe për implikimet e moskonstituimit të institucioneve në procese të tjera të rëndësishme për vendin. Gjatë diskutimit, u trajtuan gjithashtu mundësitë për thellimin e mëtejshëm të marrëdhënieve bilaterale ndërmjet Kosovës dhe Gjermanisë, në dritën e një qeverie të re në Gjermani, si dhe për angazhimin e përbashkët në fusha të ndryshme me interes të ndërsjellë”, thuhet në njoftimin e Presidencës.
Tutje theksohet se presidentja Osmani falënderoi Gjermaninë për mbështetjen e vazhdueshme ndaj Kosovës dhe rikonfirmoi gatishmërinë për thellimin e mëtejshëm të bashkëpunimit në dobi të të dyja vendeve.
Të tjera
Izraeli ka kryer gjenocid në Gazë
Qeveria ka ndërmarrë hapa për të përkrahur fuqizimin e grave
Hapja e kapitujve të rinj për Shqipërinë, Rama nga Brukseli: Hera e parë në histori që zgjedhim se më kë duam të martohemi