Presidentja e Republikës, Vjosa Osmani ende nuk e ka nënshkruar dekretin për datën e zgjedhjeve. E para e shtetit po e pret një interpretim të Gjykatës Kushtetuese.
Kështu ka bërë të ditur këshilltari për media i presidentes, Bekim Kupina.
Ai ka thënë se nëse Gjykata Kushtetuese e vlerëson si të nevojshme caktimin e një mase të përkohshme, Presidenca e mirëpret atë.
Sipas Kupinës, masa në asnjë moment nuk paragjykon vendimin përfundimtar të Gjykatës lidhur me kushtetutshmërinë e dekretit.
“Presidentja ende nuk e ka nënshkruar dekretin për datën e zgjedhjeve sepse, siç i ka njoftuar edhe partitë në takimin konsultativ, ajo është në pritje të Gjykatës Kushtetuese. Nëse Gjykata Kushtetuese e vlerëson si të nevojshme caktimin e një mase të përkohshme, Presidenca e mirëpret atë, duke ritheksuar se masa në asnjë moment nuk paragjykon vendimin përfundimtar të Gjykatës lidhur me kushtetutshmërinë e dekretit”, ka thënë, Bekim Kupina, këshilltar për media i presidentes, Vjosa Osmani.
Të tjera
Kurti priti në takim përfaqësues të BERZh-it, flasin për zbatimin e Memorandumit të Mirëkuptimit
Kur merret vendimi për dekretin e Presidentes? Flasin nga Gjykata Kushtetuese
Dhëmbë të bardhë ‘si bora’, vetëm me vetëm 2 përbërës