“Pajtohem me Arbenin”, Avdyli: “PZAP dënoi VV-në për një status, por heshti për vjedhjen kriminale”

Në media po raportohet për një “përplasje” mes deputetëve të LDK-së, sa i përket votave të diasporës

Ish-shefi i grupit parlamentar të LDK-së, Arben Gashi këmbëngul se ka pasur vjedhje të votave dhe insiston që skemës, që sipas tij u orkestrua nga disa bashkëpartiakë, t’i vihet emri “skemë kriminale”.

“Faktet po ulërasin o Kujtim. Ti duhet me u pajtu me shqetësimin, për krimin qe ka ndodhë”, shkruante Arben Gashi në grupin në “Viber” të kryesisë qendrore të LDK-së.

Pas kësaj ka reaguar deputeti i Lisëts Guxo, Haxhi Avdyli.

Ai ka thënë se përveqç që pajtohet me Gashin, duhet të ketë reagim edhe PZAP, e cila gjatë fushatës na dënonin në mënyrën më absurde edhe për një status në rrjetin social, Facebook.

Avdyli thotë se e gjithë skema kriminale duhet të zbardhet.

Postimi i plotë:

Pajtohem me Arbenin!

Duhet zbardhet deri në fund kjo skemë e organizuar kriminale.

Krimi elektoral ka emër!

Të vetmit që kanë vënë veshët në lesh janë PZAP, e organet të drejtësisë.

Gjatë fushatës PZAP vraponin të na dënonin në mënyrën më absurde edhe për një status në FCB si kjo :

“Malisheva cep më cep për #qeverinëkurti3, për vazhdimin e punëve të mira për vendin, #skakthimprapa për ata që degraduan çdo gjë, e që nuk i japin shpresë këtij vendi. #AlbinKurti mbetet opsioni i vetëm për Kryeministër për 4 vitet e ardhshme.”

Për këtë statusin tim në FCB pas tubimit ne Malishevë , PZAP paturpësisht patë dënuar VV me 5500€. E tani për vjedhjen kriminale, për mashtrimin e manipulimin e dokumentuar te besimit qytetar, e cila po denoncohet edhe nga vetë anëtarët e LDK-së, e ka refuzuar si të pa bazë, duke legjitimuar hajninë.

Marre për ju…. PZAP