Pamje të rënda pas rrahjes së Medi Isenit që dyshohet se u bë nga grupi i Noizyt

Reperi shqiptar, Noizy, bashkë me grupin e tij është përfshirë në një incident në orët e hershme të mëngjesit në diskotekën “Sancy” në Pejë, ku dyshohet se rrahën brutalisht Muhamet Isenin, i njohur si “Medi” dhe një familjar të tij. Sinjali raportoi ekskluzivisht për sulmin e rëndë, që siç duket se u planifikua nga reperi “Stresi”.

Stresi dyshohet se e preu në besë Isenin duke e ftuar në të njëjtën ambient me Noizyn, edhe pse raportet e tyre qe një kohë janë të tensionuara.

Sinjali ka siguruar ekskluzivisht pamjet e Isenit dhe të afërmit të tij pasi u dërguan në spital për trajtim, ku shihen me plagë të rënda.

Policia dhe Prokuroria Themelore në Pejë janë aktivizuar në hetimin e rastit, por akoma s’ka të arrestuar.

Sinjali do të iu mbajë të informuar me detajet e reja.