Sport

Pas De Bruynes, një tjetër largim i madh pritet të ndodhë tek Manchester City

Posted on by botaelajmeve

Mesfushori portugez Bernardo Silva ka mundësi reale që të largohet nga Manchester City në fund të sezonit, kanë bërë me dije mediat portugeze. 

Pas katër titujve radhazi në Ligën Premier, City tani është në rrezik të sezonit më të dobët ndonjëherë nën drejtimin e Pep Guardiolës, pasi ata nuk kanë garanci se do të luajnë në Ligën e Kampionëve sezonin e ardhshëm. 

Ekipi ka arritur kulmin ashtu siç ka thënë edhe vet Silva, teksa rinovimi nisi në janar kur 170 milionë euro u shpenzuan për Omar Marmoush, Nico Gonzalez, Abdukodir Khusanov dhe Vitor Reis. 
Teksa Ilkay Gundogan pritet të qëndrojë edhe për një vit tjetër, Kevin De Bruyne dhe Kyle Walker tashmë është konfirmuar se do të largohen. 
Megjithatë duket se këtyre dy të fundit me shumë mundësi do t’iu bashkohet edhe Bernardo Silva. 

Ka optimizëm në Lisbonë se një marrëveshje mund të arrihet dhe tashmë ka nisur puna në këtë drejtim pasi janë hapur negociatat me lojtarin dhe me Manchester Cityn. 

Benfica po kërkon të investojë në verë dhe transferimi i Silvas po shihet si një shenjë e qartë e përkushtimit të tyre. 

Kjo gjithashtu do të ishte një mundësi për klubin për ta zëvendësuar 37-vjeçarin Angel Di Maria nëse veterani vendos të largohet nga Portugalia në fund të sezonit./