Pas deklaratës “Dje n’Tiranë mungoi Fatmir Sheholli”, Kraki del me qëndrim të ashpër

Pas protestës së mbajtur në Tiranë kundër Gjykatës Speciale për Kosovën, ka reaguar deputeti nga radhët e LVV-së, Nezir Kraki.

Përmes një postimi në Facebook, Kraki ironizoi me protestën dhe disa prej pjesëmarrësve, duke theksuar se “mungesa” e Fatmir Shehollit – të cilin ai e quan “spiun i Serbisë” – është simptomë e një problemi më të thellë në skenën politike shqiptare, përcjell “Bota sot”.

Serbia ka shumë Fatmir Sheholla në mesin tonë, prandaj Gjykata Speciale u realizua aq shpejt dhe pati aq shumë lobues.

Reagimi i tij lë të kuptohet se, sipas tij, në mesin e organizatorëve dhe mbështetësve të protestës ka individë që kanë pasur ose kanë lidhje të dyshimta, të cilat në të kaluarën mund të kenë kontribuar në krijimin apo fuqizimin e Gjykatës Speciale.