Pas dorëheqjes së Liburn Aliut, Durmishi caktohet ushtrues i detyrës së Ministrisë së Mjedisit

Kryeministri në detyrë i Republikës së Kosovës, Albin Kurti, ka caktuar sot zëvendësministrin e deritanishëm të Mjedisit, Planifikimit Hapësinor dhe Infrastrukturës, Hysen Durmishi, ushtrues të detyrës së Ministrit të Mjedisit, Planifikimit Hapësinor dhe Infrastrukturës, pas dorëheqjes dhe lirimit nga detyra të ministrit të këtij dikasteri, Liburn Aliu.

Kështu bën të ditur zyra për media e Kurtit, ku mes tjerash ky i fundit e uron Durmishin për detyrën e re.

“Kryeministri Kurti e uron z. Durmishi për përgjegjësinë e re dhe i dëshiron suksese në përmbushjen e detyrave.”, thuhet në njoftim./KosovaPost/