Lajme

“Pas njohjes nga Siria, edhe një lajm i mirë – Salihaj përshëndet qëndrimin e SHBA-së ndaj Kosovës”

Posted on by botaelajmeve
Ish-deputeti dhe veprimtari politik Adem Salihaj ka mirëpritur iniciativën në Shtetet e Bashkuara të Amerikës për moslejimin e ndryshimit të kufijve në Ballkan, duke e cilësuar atë si një ndryshim të rëndësishëm në qasjen amerikane ndaj rajonit.

Në reagimin e tij në Facebook, Salihaj thekson se ky qëndrim paraqet një distancim të qartë nga politika e mandatit të parë të ish-presidentit Donald Trump, kur, sipas tij, rreth tij kishte këshilltarë proserbë që promovonin ndarjen e Kosovës, përcjell “Bota sot”.

Postimi i plotë

Lajm shumë i mirë nisma në SHBA për moslejimin e ndryshimit të kufinjve në Ballkan. Kjo paraqet një ndryshim radikal të politikës amerikane krahasuar me mandatin e parë të Presidentit Trump. Në mandatin e parë ai qe i rrethuar me këshilltarë e emisarë proserbë, që ia servuan opsionin e ndarjes së Kosovës. Veçanërisht Riçard Grenelli punoi shumë për ndarjen e Kosovës dhe dhënien e territorit tonë Serbisë. Në këtë mandat Presidenti Tramp është i rrethuar nga njerëz të vërtetë, që nuk u shërbejnë interesave serbo-ruse, siç kanë qenë Grenelli dhe Boltoni.