Pas tri ndeshjeve, Unitedi e merr fitoren e parë në Premier League

Manchester Unitedi e ka arritur me mjaft vështirësi fitoren e parë të sezonit në Premier League.

Unitedi e mposhti me rezultat 3:2 Burnleyn, ku epërsinë e parë e mori pas një autogoli të Cullen në minutën e 27-të të takimit.

Në pjesën e dytë, Burnley u kthye në lojë ku në minutën e 55-të Foster barazoi shifrat në 1-1, por Unitedi u kundërpërgjigj vetëm dy minuta më vonë me Mbeumo që ia dha epërsinë për herë të dytë në ndeshje, njofton Klankosova.tv.

Burnley nuk u dorëzua, pasi nëntë minuta më vonë arriti ta barazonte sërish rezultatin me Anthony i cili realizoi për 2-2.

Goli i fitores për “Djajtë e Kuq” erdhi tek në minutën e 97-të, pasi i saktë nga penalltia u tregua Bruno Fernandes.

Me këtë fitore, Unitedi gjendet në pozitën e nëntë me katër pikë, pasi nga tri ndeshje ka një humbje, një barazim dhe një fitore.