Sport

Pasi u zyrtarizua tek Real Madridi, Alexander-Arnold i dërgon një mesazh Xabi Alonsos

Posted on by botaelajmeve

Trent Alexander-Arnold rrezikoi që t’i zemërojë sërish tifozët e Liverpoolit, teksa ai i dërgoi një mesazh trajnerit të ri të Real Madridit, Xabi Alonso.

Alexander-Arnold komentoi në postimin e Real Madridit të cilët festuan ardhjen e tij dhe të Alonsos, duke shkruar “El Jefe”, që do të thotë “shefi” në gjuhën spanjolle.

Mbrojtësi i djathtë gjithashtu e vendosi Real Madridin në Instagramin e tij duke e larguar atë të Liverpoolit, diçka që shkaktoi pakënaqësi tek tifozët e klubit anglez, të cilët nuk ishin të lumtur me mënyrën se si u largua.
Alexander-Arnold e kompletoi transferimin e tij tek Real Madridi këtë javë, me klubin që raportohet se ka paguar 10 milionë euro për ta transferuar atë në kohë për të luajtur në Kupën e Botës për Klube muajin e ardhshëm.

Ai do të jetë tani në gjendje që të marrë pjesë në këtë garë, ku Real Madridi ndeshjen e parë do ta luajë ndaj Al-Hilalit më datë 18 qershor.

Kujtojmë se Alexander-Arnold ishte vërshëllyer nga tifozët e Liverpoolit në paraqitjen e tij të parë për klubin pasi u bë zyrtare se do të largohej.

Alexander-Arnold është ftuar po ashtu nga Thomas Tuchel për dy ndeshjet e radhës të Anglisë ndaj Andorrës dhe Senegalit.