Pensionohet Mustafë Selmanaj, ish shefi i Logjistikës në ZOD | Daut Haradinaj me urim të veçantë

Sot feston 65 vjetorin e lindjes ish-shefi për Logjistikë në Zonën Operative të UÇK-së për Dukagjin, Mustafë Selmanaj nga Gllogjani.

Mustafë Selmanaj është shquar në çdo kohë për kontribut ndaj Kosovës, prandaj pensionimi i tij është edhe një falënderim për shërbim ndaj atdheut.

Një urim të veçantë për Selmanajn e ka bërë edhe bashkëveprimtari i tij i kohëve të hershme dhe bashkëluftëtari, gjenerali Daut Haradinaj.

“Sot miku im i çmuar, Mustafë Selmanaj i mbush 65 vjet. 65 vjet aspak të lehta por të rëndësishme për të dhe për shtetin që sot e gëzojmë. Edhe 65 tjera burri i urtë i Gllogjanit!”, ka shkruar Haradinaj.