Burimet qeveritare kanë njoftuar se ka pasur një “përparim” të rëndësishëm në bisedimet ndërmjet Mbretërisë së Bashkuar dhe Bashkimit Europian mbrëmjen e kaluar, ndërsa Kryeministri Keir Starmer pret udhëheqësit e BE-së në një samit në Londër.
Sipas burimeve, pengesat e mbetura për një marrëveshje, kryesisht lidhur me të drejtat e peshkimit, u zgjidhën rreth orës 10:30 të mbrëmjes së dielës, duke hapur rrugën për përparim të mëtejshëm.
Samiti i sotëm në Londër do të trajtojë një gamë të gjerë temash, përfshirë mbrojtjen, tregtinë, peshkimin dhe një mundësi për një skemë të lëvizshmërisë së të rinjve. Downing Street e ka cilësuar këtë ngjarje si “një mundësi” për të sjellë përfitime për njerëzit në Mbretërinë e Bashkuar dhe BE.
Kryeministri britanik ka shpresë se samiti mund të rivendosë marrëdhëniet e përshkallëzuara pas Brexit-it, dhe t’i japë një shtysë të re bashkëpunimit ndërkombëtar. Megjithatë, disa politikanë të partisë konservatore e kanë quajtur këtë takim një “samit dorëzimi”, duke theksuar që marrëveshjet e mundshme me BE-në mund të kenë një ndikim të madh në politikën e brendshme të Mbretërisë së Bashkuar,shkruan euronews.al.Mbretëria e Bashkuar u largua nga Bashkimi Europian më 31 janar 2020, dhe ky samit është një mundësi për të adresuar çështjet e mbetura që kanë ndikuar marrëdhëniet mes dy palëve.
Të tjera
Kurti takim me Koordinatorin e Kombeve të Bashkuara Stephen O’Malley: Mbështetja e OKB-së thelbësore për të ardhmen e Kosovës
Vasfije Krasniqi kujton momentet e rënda të saj: Luftëtarët e UÇK-së ishin shpëtimtarë
Mbi 400 asistentë të punësuar për fëmijët me nevoja të veçanta por nuk janë të mjaftueshëm