Policia e Kosovës ka ndaluar një automjet që kishte hyrë ilegalisht nga territori i Serbisë në Kosovë, në fshatin Joshanicë të Leposaviqit, më 30 gusht rreth orës 16:30.
Automjeti i tipit VW Sharan, me targa serbe, drejtohej nga M.B. (1980). Gjatë kontrollit, policia ka gjetur dhe konfiskuar 13,992 euro, 17,880 dinarë serbë, si dhe materiale për mobile me vlerë rreth 600 euro, thuhet në raportin e Policisë.
Me autorizim të Prokurorit të Shtetit, është hapur rasti “Kalim i paautorizuar i vend kalimit kufitar apo vijës kufitare”. Automjeti, mjetet monetare dhe mallrat e kontrabanduara janë dërguar në Terminalin Doganor të Mitrovicës për procedim të mëtutjeshëm nga njësitë përkatëse të Policisë dhe Doganës së Kosovës.
Të tjera
Këto përfitime shëndetësore nga fiqtë nuk i dinim, ja sa duhet të konsumoni për efekte ideale
Ushqimet e përziera, armiket e stomakut
Pak orë para derbit Liverpool-Arsenal ndryshohet gjyqtari i VAR-it