Një person ka raportuar në polici se më të hënën në qendrën “The Village-Shopping & Fun” në Ferizaj ishte vërejtur një vjedhjen e një laptopi të markës “Apple”, një aparati fotografik profesional “Sony” dhe një hard-disku, që ndodheshin në automjetin e shokut të tij, të tipit Mercedes. Sipas të dëmtuarit, vlera e pajisjeve të vjedhura ishte rreth 6,200 euro.
Njësiti i Hetimeve të stacionit policor të Ferizajt, pas pranimit të informatës, ka verifikuar kamerat e sigurisë, ku është identifikuar automjeti dhe personi i dyshuar R. I, 32 vjeçar, i cili me pas është arrestuar në fshatin Surqinë të komunës së Ferizajt.
Sipas Policisë së Kosovës në Ferizaj, ky person e ka pranuar kryerjen e vjedhjes.
“Ai ka deklaruar se pajisjet i kishte shitur te personi, M. B, 32 vjeçar, i cili u gjet në fshatin Babush dhe nga i cili u sekuestruan pajisjet. Lidhur me rastin, është njoftuar prokurori i shtetit, i cili autorizoi intervistimin dhe vendosi për lirimin e të dyshuarve, ndërsa janë iniciuar rastet penale: “Vjedhje e rëndë”, ndaj R. I dhe rasti tjetër ” Pranimi i mallrave të vjedhura” ndaj M. B. Pajisjet e sekuestruara do t’i kthehen të dëmtuarit”, thuhet në njoftimin e Policisë së Ferizajt.
Të tjera
Gjashtë ushqime që ju ndihmojnë të flini më mirë
“Nëse jetoni në të kaluarën, do të vdisni në të kaluarën”, këshillat që ju duhen për sukses
Të flini pranë dikujt që gërhet mund t’ju shkakton probleme serioze shëndetësore