Lajme

Policia sekuestron mbi 17 metra dru në Podujevë – dy raste të dyshimta në një ditë

Posted on by botaelajmeve

Policia e Kosovës ka identifikuar dhe ndërhyrë në dy raste të ndara të kontrabandës dhe transportit të paligjshëm të drunjve për zjarr, në fshatin Brainë të komunës së Podujevës.

Rreth orës 16:30, njësitet policore gjatë patrullimit në zonë kanë ndaluar një kamion, që drejtohej nga një person mashkull kosovar, ku pas kontrollit është konstatuar se kamioni ishte i ngarkuar me dru, për të cilët dyshohet se ishin kontrabanduar nga territori i Serbisë.

I dyshuari është shoqëruar në Stacionin Policor për Mbikëqyrje të Kufirit në Keqekollë, ku pas intervistimit dhe konsultimit me prokurorin, është liruar në procedurë të rregullt.
Ndërkohë, kamioni dhe masa drunore prej 11 metër kub janë sekuestruar nga autoritetet.

Në të njëjtën zonë, rreth orës 19:30, policia ka hasur disa persona duke ngarkuar dru në një kamion me targa vendore.

Sasia e druve – 6.5 metër kub, sipas vlerësimit të zyrtarëve të ekonomisë pyjore në Podujevë, është konfiskuar nga policia, ndërsa i dyshuari dhe kamioni janë liruar në konsultim me prokurorin e rastit.