Në zgjedhjet e 28 dhjetorit, Kurti dhe VV-ja fituan më shumë se 50 për qind të votave.
Kryeministri në detyrë, Albin Kurti, në Forumin Ekonomik Botëror në Davos të Zvicrës, tek ka folur për qeverisjen e tij, ka thënë se e ka trashëguar një situatë me korrupsion endemik e se populli i Kosovës refuzon që të kthehet në të në të ardhmen.
“Ne e kemi trashëguar një situatë me korrupsion endemik. Ka rezistencë e qëndrueshmëri të fortë të njerëzve që të mos kthehen kurrë më aty. Pra shpresa jonë janë njerëzit, që ata do ta njoftojnë sistemin dhe publikun për korrupsionin që e hasin”, ka thënë ai, teksa ka shtuar se qeverisja e tij ka qenë shembull.
“Askush, absolutisht askush brenda kabinetit të ministrave s’e ka as imagjinatën më të vogël të përfshirjes në çfarëdo shkalle të korrupsionit”, ka thënë ai.
Duke folur për zgjedhjet e 28 dhjetorit, ai ka thënë se ato nuk kanë qenë synim i partisë së tij, por “pasojë e mungesës së bashkëpunimit me opozitën”.
Të tjera
Kurti në Davos u takua me përfaqësues nga Këshilli i Jashtëm për Marrëdhënie Ekonomike
Rritet konsumi i energjisë, mundësia për import e kufizuar
Arsyet përse duhet të hani vezë më shpesh