Presidenti serb Vuçiç i paditur: Akuzat tronditëse se turistë paguanin para për të qëlluar civilë në Sarajevë

Presidenti i Serbisë, Aleksandar Vuçiç, është goditur nga një ndër akuzat më të rënda të ngritura ndonjëherë ndaj tij. Gazetari investigativ kroat Domagoj Margetiç ka paraqitur një kallëzim penal në prokurorinë e Milanos, duke e akuzuar Vuçiçin për përfshirje të mundshme në të ashtuquajturat “Sarajevo-Safaris” – praktika makabre gjatë rrethimit të Sarajevës, ku turistë të huaj dhe nacionalistë serbë dyshohet se paguanin para për të qëlluar me snajper ndaj civilëve të paarmatosur.

Dëshmitë që kanë tronditur opinionin ndërkombëtar

Sipas gazetës britanike The Telegraph, të cilës i referohet edhe Yahoo News, Margetiç ka dorëzuar materiale, fotografi dhe video që – sipas tij – e tregojnë Vuçiçin e ri në vitet 1992–1993 në zonat e konflikteve rreth Sarajevës. Në disa prej pamjeve ai shfaqet pranë pozicioneve të dyshuara snajperi, gjatë kohës kur qyteti ishte nën rrethim të plotë nga forcat serbe.

Vetë Margetiç ka deklaruar:

ZIB (Zeit im Bild) raportoi se gjatë rrethimit të Sarajevës, turistë nga Italia dhe vende të tjera dyshohet se paguanin për të marrë pjesë në seanca të tilla, duke qëlluar nga pozicionet e kontrolluara prej forcave serbe.

Gjatë rrethimit të Sarajevës, mbi 11,000 civilë u vranë nga predhat dhe snajperët, mes tyre rreth 1,600 fëmijë.

Fotografi, video dhe një parashtesë prej 100 faqesh

Margetiç i ka dorëzuar prokurorisë së Milanos një dosje të gjerë me:

– video nga vitet 1992–1993

– dokumente të forcave serbe

– dëshmi të të mbijetuarve dhe ish-ushtarëve

Disa nga pamjet e publikuara kanë ndezur debate të forta në opinionin ndërkombëtar.

Reagimi i Serbisë: “Akuzë politike, gënjeshtër e pastër”

Zëdhënësja e Presidentit të Serbisë, Suzana Vasiljeviç, i ka mohuar kategorikisht akuzat, duke i quajtur:

“disinformim klasik dhe sulm të orkestruar politik kundër Serbisë.”

Mediat pro-qeveritare në Beograd kanë nisur një fushatë mbrojtjeje, duke e portretizuar kallëzimin si “politik” dhe “të motivuar nga armiq të Serbisë”.

Prokuroria e Milanos e ka pranuar kallëzimin

Autoritetet italiane kanë konfirmuar pranimin e kallëzimit dhe nisjen e vlerësimit fillestar të materialeve. Hapi i radhës pritet të jetë kalimi i dosjes te njësitë e specializuara për krime ndërkombëtare.