Presidentja Vjosa Osmani njoftoi se për të katërtin vit me radhë kanë dhuruar pakot onkologjike në Klinikën e Onkologjisë për gratë që përballen me kancerin e gjirit, përcjell KosovaPost.
“Në Klinikën e Onkologjisë, për të katërtin vit me radhë, i dhuruam pakot onkologjike për gratë që janë përballur në betejën me kancerin e gjirit. Ky donacion prej 640 pakosh është një mbështetje dhe inkurajim për secilën grua që ka luftuar me dinjitet, e një kujtesë se pas çdo plage ka jetë, shpresë dhe rifillim” tha Osmani.
Ajo theksoi se mbështetja për gratë e prekura nga kanceri nuk është veprim i një dite, por një angazhim i përhershëm për dinjitetin, barazinë dhe shëndetin e tyre!
Osmani shtoi se në këtë kauzë bashkëpunojnë çdo ditë me shoqatën Jeta/Vita dhe personelin shëndetësor, duke përfunduar.
“Në çdo pako onkologjike ka një mesazh të qartë: Ti nuk je vetëm! Ti je e fortë! Ti mundesh!”, përfundoi Presidentja.
Të tjera
Mbroni sytë nga ekranet me metodën “20-20-20”
Shteti më i ri, model për demokracitë në rajon
KEDS deklarohet për furnizimin gjatë zgjedhjeve, thotë se problemet po shkaktohen nga erërat e forta