Aktuale, Lajme

“Presidentja Osmani dënon kidnapimin e qytetarit serb dhe bën thirrje për ndërkombëtarët”

Posted on by botaelajmeve

Presidentja e Kosovës, Vjosa Osmani ka reaguar pas dyshimit se një serb i Kosovës është plagosur e më pas edhe rrëmbyer nga xhandarmëria serbe.

Në reagimin e saj, Osmani thekson se veprimet e Beogradit, të cilat shoqërohen me propagandë dhe dezinformata mbi të drejtat e serbëve në Kosovë, përbëjnë një kërcënim të drejtpërdrejtë për paqen dhe stabilitetin në rajon, përcjell “Bota sot”.

Presidentja ka bërë thirrje për reagim nga bashkësia ndërkombëtare dhe bashkëpunim të skenës politike vendore për të mbrojtur sovranitetin e Kosovës.

Postimi i plotë

Bota demokratike duhet të reagojë e të ndalë këto sulme të Serbisë që kanë për qëllim rrezikimin e paqes e stabilitetit në rajonin tonë. Ndërkaq skena politike në Kosovë duhet të veprojë e flasë në një zë në mbrojtjen e Kosovës nga tendenca të tilla.