Me vetëm një humbje dhe një barazim kur kanë kaluar 10 xhiro nga nisja e kampionatit të sivjetmë, skuadra e futbollit nga kryeqyteti po e mban kreun e tabelës në Superligë e pa shqetësuar.
Prishtina sot mposhti Dukagjinin e Klinës me rezultat 2-0.
Ishte Namani ai që në minutën 33 zhbllokoi rezultatin, pas një asisti nga Bytyqi. Ndërsa 7 minuta më vonë, për 2-0 shënoi Ilievski, i asistuar nga Veliu.
Në kuadër të xhiros së 10-të, sot luajtën edhe Ballkani kundër Dritës, ndeshje kjo që përfundoi 1-1, ndërsa Prishtina e Re u mposht 2-0 nga Malisheva.
Prishtina aktualisht mban vendin e parë, me 25 pikë, 6 më shumë se Ballkani në të dytin, e 11 mbi Dukagjinin e vendit të katërt.
Të tjera
Rusia do të kryente një atentat të rremë ndaj Viktor Orban për të fituar zgjedhjet
Frutat që të ndihmojnë lëkurën të duket më mirë
Franca mbështet Kosovën në rrugën drejt BE-së