Qarkullimi i bizneseve arrin në 10.7 milionë euro në 6 muajt e parë

Ministri në detyrë i Financave, Hekuran Murati ka thënë se qarkullimi i bizneseve në 6 muajt e parë të vitit 2025 ka thyer rekord prej 10.7 miliardë eurove.

Kjo sipas Muratit, paraqet rritje prej 10.3% krahasuar me periudhën e njëjtë të vitit të kaluar kur kjo shifër ishte 9.7 miliardë euro.

Tutje, ai ka shkruar se si Qeveri është përkujdesur që të rrisin mbështetjen për bizneset.

Postimi i tij i plotë:

Si Qeveri jemi përkujdesur që të rrisim mbështetjen për bizneset duke:

– Përmirësuar qasjen në financa përmes rritjes së kapitalit në Fondin për Garanci Kreditore

– Subvencionuar punësimin e të rinjve përmes Superpuna

– Subvencionuar kreditë investive

– Rritur mbështetjen për sektorin e bujqësisë

– Rritur fuqinë blerëse të familjeve përmes rritjes së pagave, pensioneve, e shtesave për fëmijë

– Paguar me kohë dhe pa vonesa faturat e detyrime ndaj bizneseve.

Këto shifra zyrtare janë dëshmia më e mirë që demanton pretendimet e pavërteta të cilat shpesh na bjen t’i dëgjojmë nga disa portale e studio televizive.