Rahoveci e ka gjetur përfaqësuesin e tij të vërtetë

Rahoveci me Prof. Dr. Ali Dulën ka sot një mundësi ideale, madje historike, për ta pasur më në fund zërin e vet të fuqishëm në Kuvendin e Kosovës. Prof. Ali Dula është ndër personalitetet më të respektuara të komunës sonë dhe një figurë që e ka dëshmuar veten në çdo hap – në profesion, në akademi dhe në angazhim shoqëror.

Ai sapo doli nga një proces zgjedhor ku u bë kandidati më i votuar ndonjëherë nga radhët e Lëvizjes Vetëvendosje për kryetar të Rahovecit. Fushata e tij ishte shembull i modelit europian: dinjitet, kulturë qytetare, qasje moderne, intelektualizëm i spikatur dhe profesionalizëm i pakontestueshëm. Çdo takim me qytetarët e Rahovecit ishte i mbushur me respekt, maturi dhe vizion. Për këtë arsye, Rahoveci arriti rezultat historik, më afër fitores se kurrë më parë.

Prej vitesh, Rahoveci e ka kërkuar dhe e ka merituar një përfaqësues të denjë – dikë të ditur, të artikuluar, të përgjegjshëm dhe me integritet të lartë moral. Me figurën e Prof. Ali Dulës, kjo kërkesë marramendëse e qytetarëve tanë më në fund ka gjetur përgjigjen e saj.

Kur nga vetë gjiri i komunitetit ngrihet një personalitet me peshë akademike, me rrënjë të thella në këtë vend dhe me zemër të lidhur me hallet e qytetarëve, atëherë lind shpresa e madhe se zëri i Rahovecit do të dëgjohet fuqishëm atje ku merren vendimet e rëndësishme për vendin.

Ky është një moment i rrallë. Një mundësi për të treguar potencialin e jashtëzakonshëm që Rahoveci ka dhe për të dëshmuar se zhvillimi vjen kur na përfaqësojnë njerëz që i njohin realisht vështirësitë dhe ëndrrat tona.

Prof. Dr. Ali Dula garon për deputet në listën e Lëvizjes Vetëvendosje, me numër 70 – një numër që mund të shënojë fillimin e një epoke të re për Rahovecin.