Tifozët e Kosovës që do të mbështesin Kombëtaren sonte në stadiumin “Stozhice” në Lubjanë për ndeshjen vendimtare të kualifikimeve për Botërorin 2026 janë paralajmëruar për rregulla të veçanta sigurie dhe organizimi.
Ndeshja nis në orën 20:45, ndërsa dyert e stadiumit hapen që nga ora 18:45, për të shmangur tollovinë dhe për të lehtësuar hyrjen.
Një nga udhëzimet më të rëndësishme lidhet me simbolet kombëtare: tifozët e Kosovës lejohen të mbajnë flamuj dhe simbole vetëm në sektorin D, që është caktuar si zona e tyre e veçantë, e quajtur “Dardanët”.
Ata që paraqiten me flamuj në sektorët A, B ose C do t’u refuzohet hyrja, por mund të depozitojnë sendet në një hapësirë të posaçme dhe të përpiqen të hyjnë sërish.
Një barazim sonte i garanton Kombëtares së Kosovës plejofin për Botërorin 2026, duke bërë këtë takim një prej më të rëndësishmëve në histori.
Të tjera
Studimet thonë se kequshqyerja ndikon te gjatësia e fëmijëve
Janjiq e përsërit se SHBA po përgatit një dokument për Kosovën e Serbinë: Burimet e mia janë ekspertët dhe politikanët
Kthyen parkingun në ‘dyqan’ kokaine, arrestohen 2 shqiptarët në Itali