Sejdiu pret në takim Oravin, paralajmëron se shefi i Zyrës së BE-së do ta përfundojë mandatin

Ish-presidenti i Kosovës, Fatmir Sejdiu, ka pritur në një takim lamtumirës shefin e Zyrës së BE-së në Kosovë, Aivo Orav.

Nëpërmjet një postimi në rrjetin social Facebook, ai ka paralajmëruar se Orav do ta përfundojë mandatin në Kosovë gjatë ditëve të ardhshme.

“Sot kisha kënaqësi të veçantë që të pres në zyrën time Ambasadorin e Bashkimit Evropian në Kosovë z. Aivo Orav. Ishte ky një takim lamtumirës meqë ai për pak ditë e përfundon mandatin e tij në Kosovë”- ka shkruar Sejdiu më 05.02.2026.