Bota

Shpërthime e zjarr në bazën ajrore ruse, ukrainasit e sulmojnë me dronë

Posted on by Bota e Lajmeve

Shpërthime të fuqishme janë dëgjuar në qytetin rus Kalach-na-Don në rajonin e Volgogradit, që me gjasë ishte një sulm me dronë, është bërë e ditur në kanale të ndryshme në Telegram.

Sulmi besohet të kishte shënjestuar bazën ajrore Marinovka në fshatin Oktyabrsky, rreth 20 kilometra nga Kalach-na-Don.

Dëshmitarët thonë se përreth bazës ajrore janë dëgjuar 6 deri në 10 shpërthime të fuqishme – që shoqëruara me zhurma të dronëve.
Banorët e Kalach-na-Don kanë raportuar shpërthimet rreth orës 3:30 të mëngjesit të sotëm, kurse kanali Baza në Telegram pretendon se njëri prej dronëve është interceptuar disa kilometra larg bazës ajrore – derisa rrënojat e një droni tjetër kanë rënë duke shkaktuar zjarr.

Ndryshe, forcat ukrainase vazhdimisht kryejnë sulme me dronë mbi territorin rus – duke shënjestruar asetet ushtarake, rafineritë e naftës si dhe fabrikat e ndryshme të municionit.