Anëtarët e Kombeve të Bashkuara votuan me shumicë dërrmuese për një rezolutë që kërkonte një armëpushim të menjëhershëm në Gaza, lirimin e të gjithë pengjeve të mbajtura nga Hamasi dhe akses të pakufizuar për të shpërndarë ushqimin e nevojshëm urgjentisht për dy milionë palestinezë që jetojnë në kushte të tmerrshme për shkak të agresionit izraelit, raportoi gazeta pariziene “Le Monde”.
Votimi në Asamblenë e Përgjithshme me 193 anëtarë përfundoi me 149 vota “pro”, 12 “kundër” dhe 19 abstenime, përfshirë Maqedoninë e Veriut, e cila, së bashku me Shqipërinë, ishin të vetmit vend në rajon që nuk votuan “pro” rezolutës. Rezultati i votimit u prit me duartrokitje të zjarrta në sallë.
Dokumenti, i përgatitur nga Spanja, ndër të tjera, “dënon fuqimisht urinë e civilëve si një metodë lufte”.
Përpara votimit, ambasadori i Izraelit në OKB, Danny Danon, e kundërshtoi ashpër rezolutën. Ai mohoi se Izraeli po përdorte urinë si armë, duke e quajtur akuzën një “shpifje gjaku” dhe, në kundërshtim me të gjitha organizatat që punojnë në Gaza, këmbënguli se po shpërndahej ndihma humanitare.
Të tjera
Qumështi asnjëherë nuk duhet të mbahet në derën e frigoriferit
Protestë në Jarinjë kundër zbatimit të ligjeve të Kosovës, pjesëmarrje e ulët e protestuesve
Shefi i OKB-së thotë se ka “rrugët diplomatike” në dispozicion për të ndaluar lu*ftën në Liban