Skuadra më bind, i kënaqur me atë që kam parë

Barelona e mbylli me një tjetër fitore me shumë gola turneun në Azi. Në miqësoren e tretë të sezonit, katalanasit shpartalluan Daegu FC me shifrat 5-0 dhe kjo natyrisht që e ka lënë të kënaqur trajnerin Hansi Flik.

Gjermani është shprehur i kënaqur jo vetëm për fitoren ndaj Daegu, por për të gjithë turneun në Azi dhe përgatitjet e deritanishme me dy javë të mbetura der inga nisja e sezonit në La Liga. Pas miqësores në Korenë e Jugut, katalanasit u nisën për në Barcelonë, ku do të rifillojnë stërvitjen të enjten. Të dielën e ardhshme ata do të përballen me Komon në “Trofeun Joan Gamper”, që është dhe ndehsja e fundit para nisjes së kampionatit spanjoll.

SKUADËR SHUMË FUNKSIONALE – “Ai (Rashford) mund të luajë në pozicionin e numrit nëntë, në atë njëmbëdhjetë… E vendosëm kështu, sepse Ferran Torres kishte probleme. Dhe me Gerardin, kemi parë nëse ai mund të përshtatet në rolin e qendërmbrojtësit. Kjo ndodhi tashmë me Erik Garsian, i cili u përshtat në një pozicion tjetër nga ai i tij i zakonshëm, dhe tani me Gerardin. Është mirë që ai mund të luajë në disa pozicione.”

FORMACIONI TIP – “Kemi 26 lojtarë dhe katër portierë. Nuk kemi pse të mendojmë më tej. Jam i kënaqur me atë që kam parë deri më tani.” Turneu aziatik – “Për ne, ishte shumë e rëndësishme që arritëm të ndërronim formacionin titullar në secilën pjesë në secilën nga tre miqësoret e luajtura në Azi. Nuk ishte e lehtë për shkak të motit, por lojtarët bënë një punë të mirë. Tani do të kthehemi në shtëpi dhe kemi dy ditë rikuperimi. Të enjten, do të vazhdojmë stërvitjen parasezonale.”

FAZA PËRGATITORE – “Për mua, Azia ka qenë një pjesë shumë e rëndësishme e parasezonit dhe kanë mbetur edhe dhjetë ditë para se të luajmë kundër Majorkës. Të tre ndeshjet kanë qenë teste të mira për ne. E vlerësoj këtë.”

LOJTARËT E AKADEMISË – “Është shumë e rëndësishme të kesh lojtarët e rinj përreth, në stol. Ata kanë shumë cilësi dhe e kanë treguar këtë me ne. Në këto tre ndeshje, kemi parë se mund të bëjmë rotacione dhe t’u japim minuta të gjithëve. Lojtarët e rinj mund të ndryshojnë ndeshjet dhe ata e kanë bërë pikërisht këtë.”