Sot publikohet lista e Kosovës, nesër flet Franco Foda

Sot mësohen se kush do jenë futbollistët e grumbulluar tek Kosova për ndeshjet kundër Zvicrës dhe Suedisë.

Federata e Futbollit të Kosovës ka konfirmuar programin e Kombëtares për grumbullimin e shtatorit.

Në këtë program listohen edhe konferenca për media e trajnerit Franco Foda, si dhe seanca e parë stërvitore, të cilat do të mbahen nesër.

Më pas “Dardanët” udhëtojnë drejt Baselit, aty ku përballen me Zvicrën më 5 shtator, kurse 3 ditë më pas luan me Suedinë në stadiumin “Fadil Vokrri”.